ചന്തക്കവലയിൽ
സഹായവില സഹായവില !!
ആർക്കും വാങ്ങാo എപ്പോഴും വാങ്ങാം
അണ്ടിയും മാങ്ങയും ചക്കയും
ചക്കക്കുരുവുമല്ല.
നല്ല പെടപെടയ്ക്കുന്ന സാധനം.
കണ്ണു കാണുന്ന ഏതു കുരുടനുo
കാതു കേൾക്കുന്ന ഏതു പൊട്ടനും
കേശാദിപാദം നക്കി നാവു തേഞ്ഞവനും
കുനിഞ്ഞു കുനിഞ്ഞു
നട്ടെല്ലുവളഞ്ഞവർക്കും
ഹൃദയമില്ലാത്ത ഹൃദ്രോഹിക്കും
ഏതു നേരത്തും ഉപേക്ഷിയ്ക്കാവുന്നത്.
ഓടിയോടിച്ചാടിച്ചാടി വന്നോ
അറുപ്പം കന്തിരിക്കോ
ആട്ടിനു കൊഴയൊടിച്ചോടേയ്
മോഹവില താന്നവില
ങാ വേടിച്ചോ വേടിച്ചോ.
കണ്ണ് നല്ല ഒന്നാം തരം കണ്ണ്
ദൈവപ്പുരയിൽ വച്ച്
കാമഭ്രന്തരെ കണ്ട് അന്ധാളിച്ച
നാടോടി പെൺകുഞ്ഞിൻ്റെ കണ്ണ്.
നാട്ടുക്കൂട്ടം മരത്തിൽ കെട്ടിയിട്ട് അടിച്ചപ്പോൾ
ജീവൻ നിലച്ചുപോയ ദളിതൻ്റെ കണ്ണ്.
ഇറച്ചി വേവിച്ച കുറ്റത്തിന് മതഭ്രാന്തന്മാർ
വളഞ്ഞിട്ട് തല്ലിക്കൊന്നപ്പോൾ
പുറത്തേക്ക് തെറിച്ചു പോയ കണ്ണ്.
പെരുന്നാളു കൂടാൻ വീട്ടിലേക്ക്
പോയപ്പോൾ തീവണ്ടിയിൽ നിന്നു
പിടിച്ചിറക്കി അടിച്ചും വെട്ടിയുoക്കൊന്ന
കൗമാരക്കാരൻ്റെ കണ്ണ്.
ആർക്കും വാങ്ങാം എപ്പൊഴും വാങ്ങാം.
=======================CNKumar.
No comments:
Post a Comment