സഹചാരി
ഒരേ തീവണ്ടിയിലെ
യാത്രക്കാരായിട്ടും
നമ്മളന്യോന്യം
പരിചയം നടിച്ചില്ല.
നീ എപ്പോഴാണ്
സ്വാര്ത്ഥമതിയായത്?
സ്കൂളിന് മുന്നിലെ
കടയില്നിന്നും വാങ്ങിയ
മഞ്ഞ നാരങ്ങാ മിട്ടായി
പാതി കടിച്ചു തന്നതും,
നാട്ടു മാമ്പഴം
പങ്കിട്ടൂറിയതും,
എപ്പോഴാണ് മറന്നത് ?
ഇന്ന്,
ഏറെ നാളുകള്ക്കു ശേഷം
നിന്റെ തിളക്കമറ്റ കണ്ണുകള്
എന്നെയറിഞ്ഞില്ല,
എങ്കിലും ഞാനിപ്പോഴും
ചന്ദ്രന് സാറിന്റെ ക്ലാസ്സിലെ
പിന് ബഞ്ചിലെ
പിത്തക്കാടി തന്നെ.
(നീ അങ്ങനെയാണല്ലോ എന്നെ വിളിക്കാറ്)
ഈ യാത്ര തീരുമ്പോള്
ഞാന് നിന്നെ മറക്കാതിരിക്കാന്
എന്റെ മുഖത്തേക്ക്
നീ ഒരടയാളവാക്യം
അയയ്ക്കുമെങ്കില്
വെറുതെ....
No comments:
Post a Comment